Турција го повика својот амбасадор во Бразил на консултации, откако бразилскиот сенат усвои резолуција во која масакрот над Ерменците во Првата светска воја за време на Отоманското Царство е окарактеризиран како геноцид.
Министерството за надворешни работи на Турција соопшти дека амбасадорот Хусеин Дириоз се враќа во Анкара на консултации поради, како што се наведува, бразилското „извртување“ на историјата.
Турција негира дека имало геноцид извршен врз повеќе од 1,5 милиони Ерменци и тврди дека бројот е претерано зголемен.
