Курдската работничка партија (ПКК) нападна армиски баталјон во југоисточниот округ Ширнак, Турција. Во нападот загинаа тројца турски војници.
Од армијата соопштија дека во тој реон сега се водат борби. Оттаму потврдија и дека позиции на ПКК биле нападнати од воздух со хеликоптери.
Лидерот на прокурдската Демократската партија на народите, Селахатин Дермиташ, ја обвини владејачката Партија на правдата и развојот на претседателот Реџеп Таип Ердоган дека ја вовлекува Турција во конфликт како одмазда зашто го загуби парламентарното мнозинство.
