Извесниот кандидат на Републиканската партија за претседател на САД, Доналд Трамп, ги повика републиканците на единство.
Тој ги предупреди дека нивните места во Конгресот би можеле да бидат во опасност ако не го поддржат.
Обраќајќи се на илјадници луѓе на митингот во Тампа, Флорида, Трамп го нарече Мит Ромни, претседателскиот кандидат на републиканците на претходните избори, „камено ладен губитник“ затоа што не го поддржа.
Трамп рече дека Републиканската партија мора да се организира и заедно да дејствува за да победи на претседателските избори, осудувајќи ги републиканците во Сенатот кои се противат на неговата кандидатура.
– Републиканската партија мора да биде цврста и паметна. Ако не биде, јас ќе победам, но многу други луѓе ќе изгубат – рече Трамп.
