Тетовската болница никако да се опреми со пет нови лифтови за кои досега се зборуваше толку многу. Овие лифтови нема да се инсталираат уште неколку месеци, бидејќи Министерството за здравство вчера распиша нов тендер, пренесува Порталб.мк.
Повикот за новите лифтови на тетовската болница според огласот за јавна набавка ќе трае до 04.03.2024 година, по што ќе следат други административни процедури.
Во октомври 2023 година беше најавено дека петте лифтови во тетовската болница ќе бидат поставени пред Нова година, но тоа не се случи.
Причина за ова е што Комисијата за јавни набавки ја укина претходната постапка за лифтовите на тетовската болница, и ја започна постапката од почеток, затоа што имаше жалба за одлуката за избраниот понудувач.
Сегашните лифтови во тетовската болница се стари и постојано се расипуваат, и честопати долго време не работат.
И покрај големата потреба од долгорочно решение за лифтовите, бидејќи вработените во болницата сами ги симнуваат телата на починатите по скалите, надлежните со години не наоѓаа решение, само ветуваа, а до денес нема решение.
Порталб.мк континуирано известуваше за ова прашање.
