На синоќешниот митингот на кандидатот за претседателска номинација на републиканците, Доналд Трамп, во Питсбург, избил судир меѓу неговите приврзаници и противници, кои истовремено се собрале во центарот на градот, соопшти полицијата.
Додека приврзаниците на Трамп, по завршувањето на митингот, си заминувале, скандирајќи „Изградете го ѕидот“ (против имигрантите) и „Америка, Америка“, неколку стотици противници извикувале погрдни зборови и пцости. Двете страни најпрво вербално се судриле, а потоа и физички, на што реагирала полицијата и ги раздвоиле демонстрантите.
Полицијата во Питсбург соопшти дека неколку лица се полесно повредени, а меѓу нив има и припадници на полицијата. Сепак, не се откриваат повеќе детали за инцидентот.
Еден 18-годишен приврзаник на Трамп е префрлен во болница, откако еден од противниците му фрлил солзавец в лице.