fbpx

Судот во Стразбур пресуди против Северна Македонија за повреда на слободата на изразување

-

Европскиот суд за човекови права (ЕСЧП) во септември 2020 година донел пресуда, со која ѝ се наложува на Република Северна Македонија да му исплати надомест на штета во висина од 3.000 евра на Никола Гелевски, поради повредено право на слобода на изразување, објави „Окно.мк“.

Пресудата на ЕСЧП е поврзана и се однесува на случајот во кој поранешниот главен и одговорен уредник на ТВ „Сител“ и главен и одговорен уредник на весникот „Вечер“ – Драган Павловиќ Латас, покрена судски процес против Никола Гелевски поради неговиот текст „Мегафоните од фиреровиот сокак“, публикуван во „Утрински весник“ на 31 март 2009 година.

Во судскиот процес што траел една година пред македонските судови, Павловиќ ја добил приватната тужба за навреда и клевета против колумнистот Никола Гелевски, по што Гелевски поднесе тужба до ЕСЧП. Од Судот во Стразбур во донесената пресуда се наведува дека „Владата признала дека имало мешање во слободата на изразување на жалителот“.

Помеѓу останатите делови од образложението на пресудата, ЕСЧП повторува дека „на поединци, а особено на новинари, кои учествуваат во јавна дебата за прашања од општ интерес, им е дозволено да применат одреден степен на претерување или провокација“, и се додава дека „кривичната пресуда изречена на Гелевски несомнено може да има застрашувачки ефект врз медиумите во политичката дебата за прашања од важност“.

foom-logo-disklejmer

Текстот е изработен во рамки на проектот „Опсерваторија на медиумските реформи“, што го спроведува Фондацијата за интернет и општество „Метаморфозис“, со финансиска поддршка на „Фондацијата Отворено општество – Македонија“.

Содржината на текстот е единствена одговорност на авторите и на ниту еден начин не може да се смета дека ги одразува гледиштата на „Фондацијата Отворено општество – Македонија“.

Нашите вести во вашето сандаче

Секој ден во 17 ч. добивајте ги вестите од Новинската агенција Мета директно на вашата електронска адреса.

Ве молиме одберете на кој начин сакате да добивате информации од нас:
Можете да се отпишете од оваа листа преку линкот на крајот од нашите пораки.

Забраната за примање невакцинирани деца во градинка во време на епидемија, не е дискриминација

Со објавата се шири паника и се обвинуваат здравствените власти, иако станува збор за стандардно постапување кое поради недоволен вакцинален опфат беше применувано и во 2019 година, кога имаше...