Повеќе од 3.200 мигранти се спасени во Средоземно Море во 25 операции што беа спроведени во текот на вчерашниот ден, соопшти италијанската крајбрежна стража.
Едно безживотно тело е најдено на еден од бродовите, стои во соопштението на италијанската крајбрежна стража, која ја координирала акцијата.
Во операциите за спасување учествувале бродови на италијанската крајбрежна стража, Европските поморски сили во Медитеранот и невладините организации „Лекари без граници“, „Си воч“ и МОАС.
Со овој број, во Италија, од почетокот на годинава стигнале вкупно 80.000 мигранти, претежно од Африка, соопшти Високиот комесаријат за бегалци на ОН.
