Времето денеска ќе биде сончево и топло со мала облачност. Во текот на денот, долж Повардарието и во западните делови од земјава ќе дува повремено засилен ветер од јужен правец.
Минималната температура ќе се движи од 13 до 20 Целзиусови степени, а максималната од 31 до 37 степени. УВ-индексот ќе изнесува 8.
Во Скопје и во околината се очекува слично време со температура до 36 Целзиусови степени.
Во следните денови ќе продолжи да биде сончево и топло, а во вторник максималната температура ќе се движи од 32 до 38 Целзиусови степени. Кон средината на неделата, во попладневните часови ќе има услови за изолирана појава на краткотраен пороен дожд и на грмежи.