Словенија најави дека ќе почне да подигнува жичана ограда со Хрватска, за да се спречи неконтролираниот прилив на бегалци.
Подигнувањето на 180 сантиметри високата ограда требало да почне утринава кај Брежица и кај подрачјето на Заврча, но тоа сè уште не е почнато.
Војската и полицијата ќе ја обезбедуваат оградата и без разлика на тоа што ќе подигне физичка бариера, премиерот Миро Церар тврди дека неговата земја и понатаму ќе остане отворена за бегалците. Од полноќ во Словенија влегле околу 1.000 бегалци, а ист број се очекува и претпладнево.
Официјална Љубљана наведува дека целата ограда ќе биде финансирана од Европската унија.
