Утринава околу зградата на Собранието е мирно, а зградата ја обезбедуваат полицајци. Таму се собрани десетина граѓани и има поставено четири шатори. Сите вработени во Собранието се на работа.
По вистинската драма остануваат многу неодговорени прашања за насилното влегување во зградата и за физичките напади врз пратеници и новинари:
- Кој ѝ ги отвори вратите на толпата?;
- Зошто полициски функционери (со еполети со три ѕвезди) се гушкаат и се бакнуваат со лица од толпата?;
- Зошто толку доцнеше полициската интервенција?;
- Зошто нема уапсени?;
- Кој го испука истрелот?;
- Дали Нухиу можел да донесува одлуки?;
- Кој ги командува специјалните сили?;
- Зошто Иванов не ги осуди насилствата?;
- Зошто „лидерите“ на толпата јано не повикаа на ненасилства и не го осудија настанот?;
- Дали лицата со качулки се припадници на т.н. иницијатива „За заедничка Македонија“?;
- Зошто телохранителот на Заев толку лошо реагираше?;
- Зошто никој не ја одбрани Шекеринска?