Силен земјитрес утрово ја погодил Никарагва, а бил почуствуван и во Ел Салвадор, Хондурас и во Костарика, јави американската геолошка агенција.
Според информациите, земјотресот бил со епицентар на околу 25 километри од градовите Чинандеја и Ел Виејо во Никарагва, на длабочина од околу 10 километри. Магнитудата на потресот изнесувала 6,1 степен по Рихтеровата скала.
Дваесет минути по првиот потрес, уследила серија од три нови потреси со јачина од 5,1, односно 4,8 и 4,6 степени по Рихтер.
Портпаролот на владата на Никарагва, Росарио Муриљо, изјавил дека земјотресот бил необично силен и бил почуствуван низ целата земја.
Засега нема информации за евентуални жртви и за причинета материјална штета.