Маркус Персон, основачот на компанијата што стои зад компјутерската игричка „мајнкрафт“, од неодамна ја поседува најскапата куќа во Беверли Хилс.
Куќата, која вреди 70 милиони долари, се протега на површина од 2.136 квадратни метри, поседува осум спални соби и пет бањи, кино со 18 седишта, фонтана која може да се контролира преку „ајпад“, барови за вотка и за текила, како и „соба за слатки“.
Луксузната куќа е најскапа во Беверли Хилс, а за неа беа заинтересирани дури и Бијонсе и Џеј-Зи. Сепак, шведскиот програмер понудил највисока сума.
Претходниот сопственик, првично барал 85 милиони долари, но очигледно морал да се задоволи со помала сума.
