Илјадници демонстранти го блокираа сообраќајот во Брисел, барајќи подобри услови за работа. Иако генерален штрајк не е формално прогласен, повикот на коалицијата на белгиските синдикати наиде на масовен одѕив, а на протестот против мерките за штедење што владата планира да ги воведе, се приклучија и вработените од градското сообраќајно претпријатие, чиј превоз е запрен.
Не работат и многу школи и државни претпријатија, бидејќи и учителите се приклучиле на штрајкот, а многу службеници не успеале да стигнат на работа.
Планирана е поворка на учесниците во протестот, кој се одвива под слоганот „Нема само трошки“, а за попладне е закажан завршен митинг во центарот на Брисел.
