Десетици илјади патници се соочуваат со одложувања летови и со доцнења откако вработените од шест германски аеродроми денеска стапија во штрајк, во пресрет на преговорите за плата кои почнуваат кон крајот на оваа недела, пренесува ДПА.
Механичарите, копнениот персонал, вработените во секторот за контрола на безбедноста и пожарникарите денеска штрајкуваат на аеродромите во Минхен, Франкфурт, Диселдорф, Келн, Дортмунд и во Хановер.
Верди, најголемиот синдикат во Германија, го организира штрајкот за да го зголеми притисокот врз федералните и локалните власти.
Синдикатот бара зголемување на платите за шест проценти, а преговорите продолжуваат в четврток.
