fbpx

Штипјани денеска ќе донираат за казнетите членови на „Шарената револуција“

-

Кутија за донации денеска ќе биде поставена во кафулето „Карма кафе“ во центарот на Штип, каде граѓаните ќе може да дадат свој прилог за плаќање на паричните казни од вкупно 1.300 евра, што им беа одредени на учесници во „Шарената револуција“ во градот.

На социјалните мрежи е објавен повик да им се помогне на тројцата демонстранти од „Шарената револуција“ кои минатата недела по информативниот разговор во полициска станица добија прекршочни казни поради боење на улиците и на тротоарите во Штип.

– Казнети се за уништување јавни објекти со боење. Боеле? Па што и ако боеле, така само го разбија сивилото во градот. Зарем уништија јавен објект? Обоена е жардињера, на место каде што е предвидена фонтана! Еве каде е криминалот! Затоа сега да застанеме зад Горан, Трајче и Борче, бидејќи тие стојат храбро на страната на правдата. Да не дозволиме сами да плаќаат некакви казни затоа што биле најхрабри и го изразиле незадоволството на сите граѓани на Штип. Да им покажеме дека не се сами!“, пишува во повикот за донирање.

Донаторската акција ќе трае три дена.

Нашите вести во вашето сандаче

Секој ден во 17 ч. добивајте ги вестите од Новинската агенција Мета директно на вашата електронска адреса.

Ве молиме одберете на кој начин сакате да добивате информации од нас:
Можете да се отпишете од оваа листа преку линкот на крајот од нашите пораки.

Трет неуспешен обид да се избере претседателка на Уставен суд

Ниту една од двете кандидатки за претседателка на Уставен суд, Татјана Бозаџиева Васиќ и Ана Павловска Данева, е успеаа да добијат мнозинство од шест гласови потребни за избор на...