Русија одигра важна улога во постигнувањето спогодба за примирје во Сирија, оцени германскиот министер за надворешни работи Франк Валтер Штајнмајер во денешното интервју за „Функе медиа груп“.
– Примирјето, обезбедувањето пристап за хуманитарната помош и почнувањето на мировните преговори во Женева, сето тоа не би било можно да се спроведе без конструктивното учество на Русија – рече Штајнмаер.
Сепак, тој нагласи Русија има сопствени и сосема различни интереси во Сирија, а тоа е обезбедување заштита на воените бази.
– Ова исто така се однесува и на создавањето на нејзини сфери на влијание. Но, Русија не е заинтересирана за долгорочен хаос и целосно уништување на државните структури на Блискиот Исток, оцени тој.
