Шефот на германската дипломатија, Франк-Валтер Штајнмајер, е загрижен поради состојбата на грчко-македонската граница.
Снимките од употребата на солзавец од македонската полиција против бегалците, според него, се доказ дека државите не можат сами да се справуваат со проблемот.
– Снимките што ги видовме се доказ дека не може да се најде решение кога земјите дејствуваат сами. Можете да го отфрлате проблемот со бегалците, можете да ги враќате бегалците назад од каде што дошле во вашата земја, но тоа не е решение – вели Штајнмајер во интервју за „Дојче веле“.
Според него, потребен е заеднички европски договор.
– Тоа сега станува сè појасно и се надевам дека на самитот на шефовите на владите на 7 март ќе придонесе за подобра соработка на европските држави – рече Штајнмајер.
