Јавниот долг на Грција во моментов изнесува 323 милијарди евра. Најголем удел во европскиот долг имаат земјите-членки на еврозоната, на кои отпаѓа вкупно 60 отсто од долгот.
Еврозоната низ Европскиот фонд за финансиска стабилност на Грција ѝ позајми 141,8 милијарди евра и уште дополнителни 52,9 милијарди евра како посебен заем за Грција.
Најголем поединечен доверител е Германија, која преку европската програма за помош и за банки, на Грција ѝ додели вкупно 68,2 милијарди евра, а втор е ММФ.
Следна земја е Франција, чиј вкупен износ на заемот изнесува 43,3 милијарди евра, а потоа се Италија и Шпанија.