Десетина работници денеска го расчистуваат просторот околу народната канцеларија на претседателот Ѓорге Иванов во центарот на градот, која беше демолирана на вчерашните протести.
Екипите го собираат стаклото од тротоарот и ја расчистуваат внатрешноста на канцеларијата.
Се суредува и просторот околу и во Министерството за правда, каде што беа искршени неколку прозорци.
На вчерашните протести против одлуката на Иванов да ги аболира сите политичари против кои се води предистражна или истражна постапка и за кои има правосилна судска пресуда, неколку лица се приведени. Сè уште не се знае точниот број на повредени демонстранти.
Во полициската акција, повредени беа и еден новинар и еден фоторепортер.