Причината за судирот на двата воза во Баварија, при кој загинаа најмалку девет лица, сè уште не е позната, соопшти полицијата која отвори истрага.
Меѓу загинатите е и машиновозачот на еден од возовите, додека по другиот сè уште се трага, но се верува дека е меѓу живите.
Најмалку осум лица загинаа, а повеќе од 100 се повредени во судир на два воза што се случи утринава во близина на градот Бад Аиблинг, на југот на Германија. Петнаесет лица се во критична состојба, а 40 се тешко повредени.
Во возот имало помалку патници од вообичаено поради тоа што училиштата во тоа подрачје денеска не работат.
