Руското министерство за одбрана соопшти дека британски воени претставници разговарале со руските колеги во Москва за начини да се избегнат инциденти меѓу вооружените сили на двете земји во воздух и на море.
Британија се жалела дека повеќепати морала да ги подигне своите борбени авиони поради руските бомбардери, кои летале премногу близу до британскиот воздушен простор. Во неколку случаите, Британци морале да следат и руски воени бродови кои пловеле близу до британските територијални води.
– Разгледано е прашање како да се воспостават брзи канали за комуникација меѓу руски и британски воени сили, за да се избегнат инциденти на отворено море и во воздух – соопшти руското министерство за одбрана.
Во соопштението се истакнува дека состанокот, на кој присуствувале генерал-полковник Игор Макушев и шефот на воздушните сили на Британија, Стјуард Пич, бил конструктивен и оти бил свикан на барање на официјален Лондон.