Хрватска на ниту еден начин не го поддржува тоа што некои хрватски државјани се борат во Украина и работи на тоа овој мал број луѓе да се вратат дома, рече хрватската министерка за надворешни работи, Весна Пусиќ.
Потпретседателката на владата, Пусиќ, во Саборот истакна дека е изненадена од вчерашната остра реакција на руското министерство за надворешни работи, „имајќи предвид дека во случајот со Хрватска станува збор за многу мал број луѓе“.
Руското МНР изрази загриженост и шокираност од фактот што хрватски доброволци се борат на украинска страна и ги повика властите да ја „спречат таквата извитоперена практика“.
Во вчерашниот одговор на хрватското министерство за надворешни и европски прашања на руската прозивка, се наведува дека во Украина има осум хрватски борци.
