Просечната месечна исплатена нето-плата по вработен во февруари година изнесува 27.948 денари, објави Државниот завод за статистика (ДЗС).
Според податоците на ДЗС, индексот на просечната месечна исплатена нето-плата по вработен во февруари 2021 година, во однос на истиот месец лани, изнесува 102,7, односно просечната плата е зголемена за 2,7 отсто, во однос на онаа од февруари минатата година.
Ваквото зголемување е резултат најмногу на зголемувањето на просечната нето-плата по вработен во секторите: информации и комуникации (10,1 отсто), други услужни дејности (8,2 отсто) и рударство и вадење на камен (7,5 отсто).
Намалување, пак, на нето-платата во февруари, во однос на претходниот месец, јануари годинава, е забележано во секторите: рударство и вадење на камен, за 9 отсто, уметност, забава и рекреација за 6,4 отсто и дејности на здравствена и социјална заштита каде имало намалување на платите за 4,1 отсто.
