Мртов маж на возраст од 86 години вчера доцна попладне бил пронајден во водите на реката Вардар, во близина на гостиварското село Чајле, во месноста Долни ниви.
Мртвото тело е забележано околу 17 часот, од случаен минувач, кој веднаш случајот го пријавил во полиција. На местото на настанот е извршен увид од јавен обвинител.
Телото е предадено на обдукција за да се истражат вистинските причини за смртта, која, според првичните информации, е предизвикана од давење.
Починатиот маж, од неговото семејство, бил пријавен како исчезнат утринава. Се преземаат мерки за целосно расветлување на случајот.
З.Д.
