Прилепчанецот Е.А. (43) „олеснил“ многу семејства во Кичево и во Кичевско. Во периодот од јуни 2014 година до март 2015 година, со употреба на подесен предмет и со кршење на бравите, цилиндрите и на стаклата, насилно отворал врати и прозорци од куќи и од помошни објекти низ градот.
Притоа противправно одземал пари, златен накит, ЛЦД-телевизор, лаптоп-компјутери, мобилни телефони, текстилна стока, разни видови алати и апарати, рачни машки и женски часовници и други предмети.
Пријавениот Е.А. на оштетените им причинил значителна материјална штета, а самиот стекнал голема противправна имотна корист.
Полициската станица од Кичево поднесе кривична пријава поради постоење основи за сомневање дека сторил дванаесет казнени дела „тешка кражба“.