Руското товарно летало „Прогрес“, кој поради дефект почнало неконтролирано да се врти во круг, ќе биде насочено кон Земјата меѓу 5 и 7 мај и ќе согори во атмосферата, соопшти руската вселенска агенција Роскосмос.
Леталото не претставува закана за Меѓународната вселенска станица затоа што нивните орбити значително се разликуваат.
„Во овој момент, системите во леталото се под контрола. Експертите од Роскосмос го следат движењето на бродот и навреме ќе известат за каква било промена во ситуацијата“, се наведува во соопштението на агенцијата.
„Прогрес“ е лансиран во вторникот од космодромот „Бајконур“ во Казахстан, но по одвојувањето од ракетата-носач, настанал дефект. Леталото во вселенската станица требало да достави гориво, кислород, апарат за научни експерименти и храна.