fbpx

Повредени најмалку 13 лица во руски ракетен напад врз Кијив

Во изминатите 24 часа на фронтот во Украина, украинските Вооружени сили имале 92 престрелки од различни категории со руските агресорски сили

-

Руските вооружени сили утрово извршија голем ракетен напад врз главниот град на Украина, Кијив, јави украинската државна новинска агенција ukrinform.net. Ракетни напади се извршени и врз други населени места во Украина, при што, како одговор, биле активирани капацитетите на Военото воздухопловство на Украина.

Во Кијив досега се знае за 13 ранети или инаку повредени цивили, од коишто една е бремена жена, соопшти Виталиј Кличко, градоначалникот на Кијив, на неговиот канал на Телеграм.

Покрај повредените цивили, нанесени се и штети на цивилна инфраструктура во Кијив – оштетена е главната топловодна цевка на левиот брег, а населбата Днипровски е без напојување со струја. Во една погодена станбена зграда избил пожар.

По почетокот на рускиот ракетен напад на главниот град на Украина биле активирани и системите за противвоздушна одбрана и Военото воздухопловство, при што се уништени 20 непријателски ракети при нивниот пат кон Кијив или на небото над главниот град.

Во градот Миколаив, пак, утрово се случил руски артилериски напад, при што еден маж се здобил со тешки повреди на главата и телото и подоцна починал во болница. Во гранатирањата биле оштетени околу 20 станбени згради.

Во изминатите 24 часа на фронтот во Украина, украинските Вооружени сили имале 92 престрелки од различни категории со руските агресорски сили. Руските напади од воздух и од земја нанеле големи штети на цивилна инфраструктура и станбени објекти во воените жаришта. Регистрирани се 140 напади врз населени места, соопшти Генералштабот на Вооружените сили на Украина.

Нашите вести во вашето сандаче

Секој ден во 17 ч. добивајте ги вестите од Новинската агенција Мета директно на вашата електронска адреса.

Ве молиме одберете на кој начин сакате да добивате информации од нас:
Можете да се отпишете од оваа листа преку линкот на крајот од нашите пораки.

Лага е дека САД финансираат украински нацисти

Тврдењата дека САД финансирале украински нацисти, а Путин исправал некакви неправди во Украина и почнал операција за денацификација, се неточни и имаат за цел само да ја оправдаат руската воена агресија....