Владата на Еквадор соопшти дека бројот на загинатите во земјотресот со сила од 7,8 степени според Рихттеровата скала што во саботата го погоди југот на таа земја, достигна 413 лица, додека неколку илјади луѓе биле ранети.
Се стравува дека тоа не е конечен број на жртвите, бидејќи сè уште имало затрупани луѓе под урнатините.
Претседателот на Еквадор, Рафаел Кореа, изјави дека ова било најголемата катастрофа во земјата во изминатите 67 години.
Во потрагата по преживеани, се вклучија и екипи од Швајцарија, Шпанија и од неколку земји од Латинска Америка.
