Министерството за внатрешни работи (МВР) извести дека поради симулациска вежба за итна ситуација –земјотрес, насловена „Хуманитарен одговор 2023“ во организација на Црвен Крст на РСМ и под покровителство на Претседателот на државата, во Градски парк Скопје, на 15.10.2023 година (недела), во периодот од 9 до 14 часот ќе се одржи генерална проба, по што затворени за сообраќај ќе бидат следните крстосници: бул.„Илинден“ од крстосница со бул.„Св. Климент Охридски“ до крстосница со ул.„Франклин Рузвелт“ и од крстосница со ул.„Бледски Договор“ до крстосница со ул.„Никола Тесла“, ул.„Наум Наумовски Борче“, ул.„Јордан Хаџиконстантинов-Џинот“ од крстосница со ул.„Орце Николов“ до крстосница со ул.„Ленинова“ (ул.„Аминта Трети“) и бул.„8 Септември“ од крстосница со бул.„Илинден“ до сервисна улица за влез во х.Александар Палас.
Главниот настан ќе се одржи на 18.10.2023 (среда) во периодот од 9 до 14 часот, по што затворени за сообраќај ќе бидат следните крстосници: бул.„Илинден“ од крстосница со бул.„Св.Климент Охридски“ до крстосница со ул.„Франклин Рузвелт“ и од крстосница со ул.„Бледски Договор“ до крстосница со ул.„Никола Тесла“, ул.„Наум Наумовски Борче“, во продолжение ул.„Јордан Хаџиконстантинов-Џинот“ до крстосница со ул.„Ленинова“ (ул.„Аминта Трети)“, ул.„Ристо Шишков“ од крстосница со ул.„Наум Наумовски Борче“ до крстосница со ул.„Ленинова“ (ул.„Аминта Трети“), сообраќајниците околу градски стадион Тодор Проески и бул.„8 Септември“ од крстосница со бул.„Илинден“ до сервисна улица за влез во х.Александар Палас.
Единицата за безбедност на патниот сообраќај Скопје ќе преземе мерки за посебен режим на сообраќај, при што сообраќајот ќе се пренасочува по околните сообраќајници.
МВР апелира до граѓаните да ги почитуваат наредбите што ги издаваат полициските службеници по сообраќајниците каде што ќе се одвива настанот.
