Министерот за надворешни работи, Никола Попоски, следните два дена ќе учесствува на 15. Самит на Франкофонијата, посветен на темата „Жените и младите, вектор на мирот и развојот“, што се одржува во Дакар, Република Сенегал.
Според најавите, министерот Попоски треба да оствари повеќе билатерални средби со шефовите на делегациите од земјите-членки на франкофонскиот свет.
Македонија е полноправна земја-членка на Меѓународната организација на франкофонијата од 2006 година, споделувајќи го францускиот јазик и вредностите заедно со преостанатите 76 земји-членки и набљудувачи на втората по големина светска меѓународна организација.
