Во понеделник, на 22 април, во „Синеплекс“ во трговскиот центар Скопје Сити Мол ќе се одржи Средношколски самит за кариерен развој. Настанот ќе започне во 17 часот, а е во организација на „Growth Labs Academy“ во соработка со Сојузот на средношколците на Македонија.
Организаторите најавуваат дека на настанот ќе бидат опфатени темите за важноста на неформалното образование и континуираното учење, за тоа како средношколците да ја изберат својата идна професија и како да започнат кариера со креирање на силен персонален брендинг.
Предвидена е и панел-дискусија на која фокусот ќе биде ставен на правилното насочување на младите за да имаат кариерен успех во иднина.
Присуството на настанот е бесплатно, а пријавувањето се врши на овој линк.
