По неговата средба со американскиот претседател Џо Бајден, претседателот на Кина, Сји Ѓинпинг во својот говор пред проминентни бизнисмени изјави дека Кина е подготвена да даде неколку панди на американски зоолошки градини, известува Гардијан.
Изјавата на Сји доаѓа само една недела откако стигна вест дека три панди од зоолошката во Вашингтон ќе се вратат во Кина.
Пандите се своевиден симбол за пријателство меѓу двете земји низ годините. Во 1972 година Кина првпат ѝ дала на зоолошката градина во Вашингтон неколку панди на заем, со цел дел од парите заработени од зоолошката да се вратат во Кина за да се инвестираат во фондови за зачувување на пандите. Дополнително, донирањето панди означувало отворање на дипломатските односи меѓу двете земји.
Сји е во Сан Фрациско на самит на лидери од југоисточна Азија, каде се сретна со Бајден. Двајцата претседатели ветија дека ќе работат на подобрувањето на односите меѓу земјите.
