Министерството за здравство соопшти дека во последните 24 часа во земјава се направени 2.808 тестови за ковид-19, а регистрирани се 905 нови случаи на ковид-19. Од нив 468 случаи се од Скопје.
Од вкупниот број на позитивни (905), регистрирани се 161 реинфекции.
Во истиот временски период, регистрирани сe 1.565 оздравени пациенти, како и 10 починати лица: по 3 починати лица од Скопје (70г, 77г и 97г) и Прилеп (61г, 72г и 77г) и по едно од Велес (75г), Охрид (88г), Кавадарци (58г) и Крушево (63г). Од пријавените лица 9 се починати во болнички услови, а едно лице е починато во домашни услови.
Согласно Регистарот на умрени лица со дијагноза ковид-19 од Мој Термин, дополнително се пријавени 8 починати лица од: Скопје (2), Прилеп (1), Охрид (1), Битола (1), Куманово (1), Македонски Брод (1) и Неготино (1). Починатите лица се на возраст од 54г. до 86г. Лицата за починати се пријавени во период од 07.02. до 15.02.2022. Од починатите лица, 7 се починати во домашни услови, а едно лице во болнички услови.
Од вкупниот број на починати лица, кај 15 лица се регистрирани коморбидитети.
Досега во земјава се направени вкупно 1.862.041 тестирања за ковид-19, а бројката на регистрирани случаи изнесува 291.820. Бројот на оздравени пациенти од почетокот на епидемијата е 274.808, на починати е 8.869, а бројот на активни случаи изнесува 8.143.
