Лидерите на Франција, Германија, Украина и на Русија синоќа телефонски разговарале за ситуацијата во Украина и го поздравиле примирјето, кое во голема мера се почитува од 1 септември, соопштија од канцеларијата на францускиот претседател.
Франсоа Оланд, Ангела Меркел, Петро Порошенко и Владимир Путин се договориле дека исто така е потребно „да се направи сè за да се задржи и специјалната Мисија на набљудувачите на ОБСЕ за тие да имаат постојан и сигурен пристап во одредени зони“, се наведува во соопштението од Елисејската палата.
Во соопштението е потврдено дека на почетокот од октомври ќе се одржи самит во Париз, иако Оланд во понеделникот навести дека можно е да се состанат кон крајот на септември во Њујорк, пред годишното заседание на Генералното собрание на ОН.