Непознат сторител ноќеска провалил во стан во скопската населба Капиштец, во кој привремено живеел државјанин на Турција, и украл 300 евра, златен накит, рачни часовници и парфеми, сè со вкупна вредност од околу 330.000 денари, соопшти полицијата.
Како што информираат оттаму, крадецот во станот влегол преку балконот од мезанинот, а потоа се прекачил на балконот од дневната соба на станот и насилно ја отворил вратата.
Полицијата извршила увид, но засега нема осомничен за тешката кражба.
