Кремљ смета дека за средба помеѓу рускиот претседател, Владимир Путин, и претседателот на САД, Доналд Трамп, може да се разговара откако ќе почнат контактите помеѓу новата американска администрација и Москва.
Портпаролот на Кремљ, Димитриј Песков, изјави дека тоа сè уште не се случило.
– Рано е да се зборува за какви било иницијативи затоа што претседателот Трамп дури сега почнува со активностите – рече Песков, истакнувајќи дека треба да се почека да се воспостават контактите.
Песков изразил очекување дека наскоро ќе биде утврден и датумот на првиот телефонски разговор помеѓу рускиот претседател, Владимир Путин, и новиот американски претседател, но рече дека засега нема информации за тоа кога тие двајца би можеле да го одржат првиот состанок.
Според неговите зборови, за контактите помеѓу Москва и Вашингтон во врска со датумот на првиот телефонски разговор помеѓу Путин и Трамп е надлежно министерството за надворешни работи.
Песков додаде и дека е прерано да се зборува за каква било можна соработка помеѓу САД и Русија во борбата против исламските екстремисти.
