Заменик претседателот на Владата задолжен за европски прашања Арбер Адеми денеска се сретна со амбасадорката на Франција, Лоренс Оер.
Оер на средбата истакнала дека Франција ќе продолжи со поддршката за еворинтеграцијата на Македонија и посочи дека е потребно понатамошно продлабочување на билатералните односи меѓу двете земји.
Во однос на актуелната политичка состојба двајцата соговорници ја потенцирале важноста на целосно исполнување на Политичкиот договор и организација на кредибилни и демократски избори како и спроведувањето на реформите од европската агенда на инклузивен и транспарентен процес.
Вицепремиерот Адеми и амбасадорот Оер се согласија дека и покрај предизвиците со кои се соочува ЕУ, потребно е да се задржи фокусот и на политиката за проширување, како една од најуспешните политики на Европска Унија.
