Во рамките на Централноевропскиот договор за слободна трговија (ЦЕФТА) досега е постигната целосна либерализација во трговијата со земјоделски производи, се финализира процесот на преговори за олеснувања во трговијата, а во завршна фаза се преговорите за поширока либерализација на трговијата со услуги.

Ова денеска го истакна министерот за економија, Дритон Кучи, на одбележување на десетгодишнината од ЦЕФТА.

Основата на договорот е олеснување на процесите за пристапување на земјите потписнички на ЦЕФТА кон Европската Унија, нивно успешно интегрирање, како и интензивирање на трговијата на пазарите со земјите на ЕУ.