Од ноќеска на полноќ бензините ќе поскапат за еден денар, согласно најновата одлука на Регулаторната комисија за енергетика и водни услуги (РКЕВУ) со која се врши зголемување на малопродажните цени на нафтените деривати во просек за 0,34 отсто.
Новата цена на моторниот бензин Еуросупер БС-95 од вечерва ќе изнесува 82,5 денари за литар, додека Еуросупер БС-98 ќе чини 84,5 денари за литар.
Мазутот поевтинува и од ноќеска на полноќ ќе чини 41,001 денари за килограм.
Во меѓувреме, цените на дизел горивото и екстра-лесното масло за домаќинство остануваат исти. Еуродизелот чини 72,5 денари за литар, додека литар масло за горење чини 71,5 денари.