Ноќните линии во скопскиот јавен превоз се воведуваат од денеска, информираат од Град Скопје. Во ноќните часови ќе сообраќаат 11 автобуски линии: 2, 5, 7, 22, 24, 41, 50, 57, 61, 63 и 65Б. Притоа, автобуските линии 2, 22, 24, 41, 57 и 65Б ќе сообраќаат секојдневно, додека преостанатите линии ќе бидат во функција во деновите од викендот или комбинирано, како и за време на празниците.
Сите детали за граѓаните околу возниот ред на ноќните линии се достапни на веб-страницата на ЈСП Скопје.
„Воведувањето на ноќни линии е почеток на промените за подобар јавен градски превоз што е дел од програмата на раководството на ЈСП и на Градот Скопје“, велат од Град Скопје.
Инаку, ноќните линии на ЈСП-Скопје беа укинати на почетокот од ковид-19 пандемијата, како една од превентивните мерки за спречување на ширењето на вирусот.