Времето денеска ќе биде облачно со врнежи од дожд. На повисоките планини се очекува да падне снег. Според прогнозите на УХМР, пообилни врнежи ќе има во попладневните часови во северозападните и во североисточните делови на земјата, а ќе дува умерен до засилен југозападен ветер.
Минималната температура ќе се движи од 4 до 10 Целзиусови степени, а дневната од 10 до 16 степени.
Во Скопје се очекува слично време, со температура до 13 Целзиусови степени.
За утре се предвидува променливо облачно и посвежо време со сончеви периоди, а утринската температура на одредени места од земјата ќе се спушти и под нулата.