Двајца полицајци се убиени во рускиот град Санкт Петерсбург, кога непознати напаѓачи отвориле оган врз полициско возило.
Двајцата полицајци загинале, а третиот добил изгореници откако возилото се запалило.
Засега не се знае каде се наоѓаат напаѓачите и во тек е потера по нив.
Мотивот за нападот, исто така, сè уште не е утврден, иако според некои извештаи во руските медиуми, полицискиот автомобил следел возило со пари.
Локалниот портал „Фротанка“ објави дека напаѓачите украле пари од возилото, како и тоа дека во нападот учествувале три возила.
Порталот навел дека не е точно познато чии пари се пренесувале со возилото, иако има индиции дека може да ѝ припаѓаат на една градежна фирма.
