Најмалку 50 лица се убиени во експлозија на бомба на пазар во багдадскиот кварт Садр. Ирачки полициски претставници изјавија дека околу 60 лица се повредени во нападот, додавајќи дека неколку ранети се во критична состојба.
Бомбата уништила повеќе автомобили, а оштетила и неколку околни згради, потврди полицијата.
Засега никој не ја презема одговорноста за нападот, но се претпоставува дека е дело на Исламска држава.
