Полициски службеници вчера на преминот Табановце на границата со Србија привеле граѓанин на Грузија. 39-годишниот Р.Ш., при влез во државата, сторил кривично дело „нудење поткуп“.
На граничниот премин дошол со патничко возило „Киа“ со грузиски регистарски ознаки, а во документите за пасошка контрола што им ги приложил на службениците, ставил банкнота од 20 евра.
Грузиецот е лишен од слобода, а утврдено било и дека зелениот картон што го приложил е фалсификуван.
Од полицијата најавија соодветни пријави.