САД и нивните сојузници извршиле 24 напади на Исламска држава во Ирак и во Сирија, соопшти денеска коалицијата која ја спровела операцијата.
Во Сирија вчера се изведени 13 напади во близина на четири града. Погодени се погони за производство на бензин, гас и на нафта, кои биле под контрола на исламистите, се наведува во соопштението.
Во Ирак се извршени 11 напади во околина на пет града, а погодени се и тактичките единици на Исламска држава, неколку борбени позиции на оваа милитантна група, складишта за оружје, згради и возила.