Во Црна Гора, нивото на штедење надвор од банкарскиот сектор изнесува преку половина милијарда евра, оцени аналитичарот и член на управниот однор на банката „Универзал капитал“, Предраг Дрецун.
Тој изјави дека црногорската економија е доста апатична кога станува збор за односот кон инвестициите и кон штедењето.
– Сè што се штеди, треба да се инвестира за да се создаде нова вредност. Во Црна Гора имаме ниско ниво на инвестиции во однос на штедењето, а од друга страна, имаме штедење кое не се евидентира во банкарскиот сектор – изјави Дрецун.
Тој смета дека надвор од банкарскиот систем има доволно пари за да се формира една моќна банка и вели дека значителна сума пари Црногорците чуваат „под перница“.