fbpx

Линк: Германија мора да се подготви за можно враќање на Трамп

Иако не се решени изборите ниту во партијата, ниту пак вистинските избори, Берлин мора да биде подготвен бидејќи на крајот сепак е можно Трамп да се врати во Белата куќа, изјави владиниот координатор за трансатлантски односи

-

Германија треба да се подготви за евентуална победа на Доналд Трамп на претседателските избори во САД во ноември, изјави владиниот координатор за трансатлантски односи Мајкл Линк (Мајкл), пренесе германската новинска агенција ДПА.

Трамп победи на првите два избора во републиканските пратенички групи – во вторникот во Њу Хемпшир и минатата недела во Ајова. Иако не се решени изборите ниту во партијата, ниту пак оние конкретните избори, Берлин мора да биде подготвен бидејќи на крајот сепак е можно Трамп да се врати во Белата куќа, изјави Линк за ДПА.

„Во овој случај, мораме да ја туркаме таканаречената стратегија „крофна“. Тоа значи дека се потпираме на контакти во неговата околина“, истакна поранешниот член на германските либерали (ФДП).

Ваквата стратегија најдобро функционира, објасни тој, кога се поврзани заедничките интереси, на пример во економските односи и трговијата.

„Има доволно актери во САД, како што се претприемачи и гувернери, кои не сакаат Трамп да им наштети, на пример со започнување трговска војна со Европската Унија“, рече Линк.

Германија и Европа мора да го искористат времето до американските избори за да ја зајакнат својата конкурентност.

„Европа мора да биде сериозен, силен партнер – ова се однесува на економијата, но и на правичната распределба на товарот во НАТО.

Додека Трамп беше претседател, тој ги критикуваше европските земји, вклучително и Германија, дека не издвојуваат доволно пари за одбраната.

Линк оцени дека мали ѝ се шансите на единствената преостаната конкурентка на Трамп на внатрепартиските избори, Ники Хејли.

„Но, ако издржи до пратеничките групи во неговата родна држава, Јужна Каролина, можни се изненадувања, иако не се веројатни“.

По гласањето во Њу Хемпшир во ноември, сè поверојатно е соочување меѓу актуелниот демократски претседател Џо Бајден и Трамп.

Во Америка, Трамп има поддршка од речиси 68 отсто во анкетите, а Ники Хејли нешто повеќе од 12 отсто.

Нашите вести во вашето сандаче

Секој ден во 17 ч. добивајте ги вестите од Новинската агенција Мета директно на вашата електронска адреса.

Ве молиме одберете на кој начин сакате да добивате информации од нас:
Можете да се отпишете од оваа листа преку линкот на крајот од нашите пораки.

Хеликоптер во кој патувал иранскиот претседател претрпи „тешко слетување“

Хеликоптер со иранскиот претседател Ебрахим Раиши претрпел „тешко слетување“, пишува Би-би-си. Министерот за внатрешни работи кажува дека спасувачите сé уште се обидуваат да стигнат до местото на несреќата поради тешките...