Насловот „(ВИДЕО) Корона вирусот на небото над Куманово донел необична појава: Луѓето нагаѓаат за што станува збор!“ е сензационалистички и дезинформира, бидејќи корона вирусот не донел никаква необична појава на небото над Куманово, пишува „КриТинк“.
Станува збор за лентикуларен облак, кој не е поврзан со корона вирусот, туку ваквиот тип на облаци постоеле и пред пандемијата.Лентикуларниот облак на небо се поврзува со наводно „некакви чудни појави“, иако вистината е дека овие облаци се создаваат во тропосферата, кога ветрови дуваат низ ридови и планини од ист или сличен правец.
Ваков облак освен на небото над Куманово беше забележан и над Водно, а според астрономите, станува збор за ретка атмосферска појава, која во никој случај не е поврзана со корона вирусот.
Сѐ што на луѓето им изгледа невообичаено, не е повод за текст, и не сѐ што е невообичаено треба да се поврзе со корона вирусот, бидејќи облакот и пандемијата немаат никаква поврзаност.