Министрите за надворешни работи на Иран и на САД, Џон Кери и Мохамад Џавад Зариф, денеска ги продолжија преговорите за иранската нуклеарна програма, игнорирајќи ги вчерашните предупредувањата на израелскиот премиер Бенјамин Нетанјаху да се откажат од можната спогодба.
Трет ден по ред, Џон Кери и Мохамад Џавад Зариф се состануваат во хотел на брегот на Женевско Езеро во Швајцарија.
Американскиот државен секретар не го следел преносот од говорот на Нетанјаху за маратонските преговори додека се приближува 31 март – рок за постигнување спогодба, кој го поставија големите сили и Иран.
Кери попладнево ќе отпатува во главниот град на Саудиска Арабија, Ријад, но политичките директори на двете министерства и експертите ќе ги продолжат преговорите до крајот на неделава.
