Сојузот на борците на Македонија оцени дека Република Македонија ја доживува најголемата политичка криза од постоењето на слободната македонска држава.
„Обелоденетиот податок за прислушување на повеќе од 20.000 граѓани (сеедно од кого било), е најголем удар на човековите права и слободи во земјава и укажува на целосен распад на безбедносниот систем на државата“, се вели во соопштението од седницата на главниот одбор на Сојузот на борците од НОАВМ 1941-1945.
Сојузот на борците смета дека сега е најнеопходно насочување на сите општествени сили и творечка енергија во земјава за надминување на состојбите, примерно санкционирање на виновниците, реафирмирање на демократските вредности на правната држава и за понатамошен развој на Република Македонија.
